मुखपृष्ठम् · ⬆ विषयाः

misc

परिभाषाः

संज्ञा	परिभाषा	मूलम्
असूया	इदं सुखं ममैव तस्यापि किमित्यागतमिति बुद्धिरसूया।	लघुवासुदेवमननम् — षष्ठवर्णकम्
अहङ्कारः	सर्वत्राग्रहोऽहङ्कारः।	लघुवासुदेवमननम् — षष्ठवर्णकम्
इच्छा	अवर्जनीयप्राशनविमोचनादिकर्मचिकीर्षा इच्छा।	लघुवासुदेवमननम् — षष्ठवर्णकम्
ईर्ष्या	इदं दुःखं तं विहाय मम किमित्यागतमिति चितवृत्तिरीर्ष्या।	लघुवासुदेवमननम् — षष्ठवर्णकम्
कामः	गृहक्षेत्रादिसम्पादनेच्छा कामः।	लघुवासुदेवमननम् — षष्ठवर्णकम्
क्रोधः	तत्र विघ्नकर्तरि वैरस्यं क्रोधः।	लघुवासुदेवमननम् — षष्ठवर्णकम्
दम्भः	अनेन धर्मेण मम प्रसिद्धिर्भूयादिति चित्तवृत्तिर्दम्भः।	लघुवासुदेवमननम् — षष्ठवर्णकम्
दर्पः	मम न कोऽपि समान इति बुद्धिर्दर्पः।	लघुवासुदेवमननम् — षष्ठवर्णकम्
द्वेषः	अपकारकर्तुः प्रत्यपकारेच्छा द्वेषः।	लघुवासुदेवमननम् — षष्ठवर्णकम्
बन्धः	स्वभावनिर्मलस्य मनसोऽशुद्धेन योगो बन्धः।	लघुवासुदेवमननम् — षष्ठवर्णकम्
भक्तिः	गुरौ सज्जनेषु देवतासु चातिप्रीतिर्भक्तिः।	लघुवासुदेवमननम् — षष्ठवर्णकम्
मदः	स्वस्य सम्पदस्ति, किं वा कर्तुमशक्यमिति बुद्धिर्मदः।	लघुवासुदेवमननम् — षष्ठवर्णकम्
मात्सर्यम्	स्वसमानसम्पन्नजनदर्शनासहनं मात्सर्यम्।	लघुवासुदेवमननम् — षष्ठवर्णकम्
मोक्षः	शुद्धरूपेणावस्थानं मोक्षः।	लघुवासुदेवमननम् — षष्ठवर्णकम्
मोहः	ऐश्वर्यमदेन कृत्याकृत्यमविचार्य तूष्णीमवस्थानं मोहः।	लघुवासुदेवमननम् — षष्ठवर्णकम्
रागः	स्त्रीविषयकचित्तवृत्ती रागः।	लघुवासुदेवमननम् — षष्ठवर्णकम्
रागद्वेषौ	रागो द्वेषः कामः क्रोधो लोभो मोहो मदो मात्सर्यमर्ष्याऽसूया दम्भो दर्पोऽहङ्कार इच्छा भक्तिः श्रद्धेति रागद्वेषादिवृत्तयः षोडश।	लघुवासुदेवमननम् — षष्ठवर्णकम्
लोभः	स्वसम्पादितेषु किञ्चिदपि सत्पात्रे न देयमिति बुद्धिर्लोभः।	लघुवासुदेवमननम् — षष्ठवर्णकम्
श्रद्धा	यागादिकर्मसु वेदान्तवाक्येषु गुरूपदेशे च विश्वासः श्रद्धा।	लघुवासुदेवमननम् — षष्ठवर्णकम्

सन्दर्भाः

• abc — लघुवासुदेवमननम् — षष्ठवर्णकम्